** Pyaar ek aisa ehesaas hai jise shabdo.N mei.N dhalane ki chahe kitni bhi koshish karle hum..Woh gaheraii se bayan nahi kar payenge…
woh sirf mahesus kiya jata hai….aur har insaan ke liye iske mayiine badal jate hai…
Fir bhi itna kahungi… woh ehesaas jab hum khud se jyada kisi ki khushi ki parwah karte hai.
Kisi ke hotho.N par ek halki si muskaan dekhne ke liye kuch bhee kar guzarte hai….
Dard use hota hai aur aankhe.N hamari nam ho jati hai..
Nazaro.N se dur ho kar bhee woh kahin aas-pass hee mahesus hota hai….
duniya usiki nazaro.n se dikhayii deti hai…
Kisi haare huwe Insaan mei.N jine ki nayi ummid jagata hai ……
Pyaar ek aisa ehesaas hai jisi hum zabrdasti se kisi ke dil mei.N paida nahi kar sakte..
woh kab, kahan aur kis insaan se ho jata hai… pata nahi chalta…..
